Un dia, ya munta yo un
jutay banca de motor
Y puede yo anda
na isla del miyo mga antecesor
Donde ta acusta sila na kama marmol
con paz y contento di ila mga alma

Nientras ta abaha el
ohos del cielo
ya queda escuro
y ya sindi came fuego
cabar ya kusi kame comida
adentro del viejo tenaja

Pronto ya pasa el tiempo
Nuay kame ya durmi
Kay ya mira lang kame
Na mga estrellas na cielo
Ya abla yo na di miyo pensamiento
Era, no caba este tiempo

Pero nuay quien puede
sangga na puersa de ora
amo cuando ya liga el sol
Ya liga ya el tiempo del bolbida
ya pensa yo, bale bolbe y bula
na bonita y buen isla ulit

Lejos ya tamen el viaje
media ora came na buen mar
Ya rei ya lang yo cuando ya liga
came ulit na pantalan
Kay sabe yo largo ya tamen
el tiempo desde man

               Mirahan ulit kita –
              Y era, no mas ya caba ulit
              El ora na isla.